Mjeku kardiolog Edvin Prifti dhe gjyqtarja e gjykatës së Krujës Enkelejda Hoxha kanë dorëzuar ankim në apel ndaj masave të arrestit me burg.
Duke u ndalur te rasti i mjekut Prifti, juristi Sokol Hazizaj në një intervistë për “Tempora” në Rtv Ora tha se ai do të kishte kishte shmangur arrestin nëse do të kishte pasur asistencë të mirë ligjore në tre ditëshin e parë kur shpërtheu ngjarja.
Hazizaj: Arrestimi i mjekut është shumë planësh, është jo vetëm në kuptimin e situatës në të cilën ndodhemi ne për të tërhequr vëmendjen por mendoj se atij i ka munguar edukimi i përkohshëm juridik i atyre 2-3 ditëve prandaj edhe erdhi në arrestimin e tij.Mendoj se kufizimi i tij në burg, jo në kuptimin e veprës penale, por mendoj se e kapërcen në mënyrën sesi ka nisur procedimi. Kam dyshime shumë sesi ka nisur procedimi ndaj atij qytetari. I ka munguar edhe asistenca juridike në njëfarë mënyre.
Operacionet e SPAK juristi i sheh të lidhura edhe me zgjedhjet dhe sipas tij në fushatën zgjedhore do të ketë shumë dëme ndaj qytetarëve.
Hazizaj: Ajo që unë konstatoj është se ne jemi në fushatë elektorale me sa ndjej dhe me sa kuptoj dhe në fushatë elektorale do të ketë shumë dëme ndaj qytetarëve që do të shoqërohen me reporkusione politike, do të shoqërohen dhe me ngjarje të tilla. Sot politika ka vajtur në atë lloj derexheje sa po gjen një herë në tre ditë ndonjë shkak për të humbur vëmendjen nga dështimet që janë të situatës së Covid dhe situata të tjera qoftë ligjore dhe qoftë morale.
