I ftuar në “Tempora” nga Sonila Meço në RTV Ora, Arban Domi, Drejtor i Zhvillimit te Vaksinës, Geo Vax në SHBA bëri krahasimin me shifra të incidencës ditore të të prekurve me Covid me disa vende në botë e rajon.
Ai shtoi se në vendin tonë duhet tëbëhen të paktën 12 000 mijë teste dhe duhet të rriten testet e bëra në rrethe.
Domi: Sa i takon incidencës ditore, Shqipëria është e gjashta në botë. Dhe Shqipëria është e vetmja me këto numra. Shtetet e para fillojnë me 47%, ndërsa Shqipëria është në 23%.
Serbia e ka 16% dhe Maqedonia 11% e kështu me radhë, ndërsa Sllovenia 3%. Këto vendet që kanë më pak testime, kanë incidencën më të lartë ditore. Ne jemi në 14.2% të testimit të popullsisë, por vendet e tjera të rajonit shkojnë mbi 40% dhe kanë një korrelacion midis testeve dhe incidencën aktuale.
Kjo do të thotë se Shqipëria për momentin, për mua, duhet të shumëfishojë 3 herë numrin ditor të testeve. Sot bëhen 4000 teste, kur duhet të bëhen të paktën 12 000 mijë teste. Gjysmat duhen bërë në Tiranë dhe mijëra të tjera në rrethe, se kanë përqendrim të madh.
