23:21 19/02/2021
Deputetja e PS-së, Klodiana Spahiu, ka kometuar së fundmi rastin e motrave Lalo, të cilat humbën të atin nga covid dhe akuzuan shërbimin mjekësor se nuk ishte i duhuri, teksa me pas u preceduan penalisht.
Në një prononcim për Klan News, Spahiu është shprehur se procedimi nuk është bërë nga qeveria por nga një person fizik, ndërkohë që theksoi se duhet marrë në konsideratë edhe deklarata e mjekes, e cila kishte nën kujdes të ndjerin, babanë e vajzave.
Pyetje:Rasti i motrave Lalo të cilat fatkeqësisht humbën babanë në luftën me Covid-19 dhe ato në momentin e parë thanë që shërbimi mjekësor nuk ishte i duhuri dhe hodhën edhe akuza në lidhje me atë se çfarë ka ndodhur teksa ndoshta opinion publik u habit kur morën vesh se ndaj tyre kishte nisur një procedim penal. Nuk ka të drejtë as për të shprehur mendimin për shërbimin që i është dhënë një pacienti familjari?
“Unë edhe në intervistat e tjera në rradhë të parë i shpreh ngushëllime vajzave sepse çdo humbje jete pavarësisht reagimit të tyre lë një brengë shumë të madhe. Aq më tepër që ti mund të aludosh në të gjitha format në momentin që ti nuk je pranë nënës ose babait në çastet e fundit të jetës.
Por të mos harrojmë që kemi dëgjuar variantin e vajzave në një hidhërim dhe dëshpërim shumë të madh. Sot ka dalë me një deklaratë edhe mjekja e cila është akuzuar personalisht për këtë punë dhe ka dhënë edhe ajo variantin e saj të trajtimit të të sëmurit.
Kur ne flasim për një rast, gjithmonë duhet të jemi transparent dhe të vëmë përballë të dy deklratat.
Në rastin konkret procedimi penal është bërë nga një emër konkret jo nga qeveria. Procedimin penal me sa jam unë në dijeni e ka bërë mjeku për akuzat që i janë bërë.
Në këtë rast është një përballje nga dy deklarata. Një deklaratë që është dhënë nga vajzat e të ndjerit dhe deklarata e mjekes, e cila në variantin e saj mendon që i janë bërë akuza të padrejta sepse në punën e saj ajo nuk shikon asnjë nga variantet që kanë deklaruar dy vajzat.
Kjo nuk duhet parë si një gjyq publik. Mjekja deklaron që është e gatshme t’i vihet deri në qelizë në studim kartelës klinike dhe mënyrës së trajtimit të pacientit.
Unë nuk gjykoj dot sepse e mirkuptoj dhimbjen e madhe që kanë dy vajzat, por nëse puna është bërë, dhe me sa ne jemi në dijeni situata e të sëmurit ka qenë e rëndë, me një prekje shumë të madhe pulmonare, të paktën nga ato që rezultojnë në ekzaminime, rreziku për humbjen e jetës ka qenë i lartë“.
Klan News
